Spurning 1

Mun flokkurinn beita sér fyrir því að haldin verði þjóðaratkvæðagreiðsla á næsta kjörtímabili um framhald aðildarviðræðna Íslands og ESB?

Samfylkingin er Evrópusinnaður flokkur en leggur ekki áherslu á framhald aðildarviðræðna Íslands og ESB á næsta kjörtímabili. Flokkurinn mun beita sér fyrir þjóðaratkvæðagreiðslu um framhald viðræðna á réttum tímapunkti, til dæmis undir lok kjörtímabils eða samhliða næstu Alþingiskosningum.

Spurning 2

Mun flokkurinn beita sér gegn því að haldin verði þjóðaratkvæðagreiðsla á næsta kjörtímabili um framhald aðildarviðræðna Íslands og ESB?

Nei.

Spurning 3

Telur flokkurinn að aðild að ESB og upptaka Evru yrði í stórum dráttum til hagsbóta fyrir Ísland?

Já. Samfylkingin telur að aðild ESB og upptaka evru yrði í stórum dráttum til hagsbóta fyrir Ísland – en flokkurinn leggur áherslu á að ekki verði framhald á aðildarviðræðum Íslands og ESB nema að undangenginni þjóðaratkvæðagreiðslu.