Gestur þáttarins er Guðmundur Hálfdánarson prófessor í sagnfræði. Tilefni þáttarins er Evrópudagurinn, sem haldinn er 9. maí ár hvert í tilefni sögulegrar yfirlýsingar Roberts Schuman þann dag árið 1950.

Þorsteinn Pálsson, fyrrverandi forsætisráðherra og einn öflugasti greinandi landsins, er gestur Meginlandsins þessa vikuna og ræðir þar Evrópumálin í heild sinni og sögu samstarfs Íslands við Evrópu.

Gestur þáttarins er Dr. Eiríkur Bergmann, prófessor við Háskólann á Bifröst sem hefur stundað rannsóknir á alþjóðamálum um áratugaskeið og meðal annars skrifað bókina Frá Evróvisjón til Evru.

Í dag forvitnast þau Helga Vala og Páll Rafnar um það hvernig aðildarviðræður fara fram og við hverja sé reynt að semja. Gestur þáttarins er Ragnheiður Elva Þorsteinsdóttir lektor við Háskólann á Akureyri, sérfræðingur í stjórnskipunarrétti sem átti sæti í samninganefnd Íslands við ESB fyrir 15 árum síðan.

Þorgerður Katrín Gunnarsdóttir utanríkisráðherra er gestur Meginlandsins að þessu sinni. Það er stórt mál á dagskrá: Þjóðaratkvæðagreiðsla um áframhaldandi aðildarviðræður að ESB, sem fer fram 29. ágúst næstkomandi.

Dr. Gunnar Þór Pétursson, deildarforseti lagadeildar HR, ræðir um aðildarviðræður og samningsstöðu Íslands

Gestir þáttarins eru þau María Malmquist og Sverrir Páll Einarsson en María hefur verið virk innan Ungra Evrópusinna og Svrerir er forseti Uppreisnar, ungliðahreyfingar Viðreisnar. Meginlandið að þessu sinni er helgað unga fólkinu og vangaveltum um áhugaleysi þeirra á Evrópusambandinu.

Efnahagsmálin eru í brennidepli í fjórða þætti Meginlandsins. Skortur á samkeppni, tollamál og frjáls viðskipti eru umfjöllunarefni þáttarins.

Að þessu sinni skoðum við vægi Íslands á alþjóðasviðinu. Skiptir rödd Íslands máli innan Evrópusambandsins, NATO og Sameinuðu þjóðanna?

Í þessum þætti beinum við sjónum okkar að EES samningnum, sem varð þrjátíu ára í fyrra og hefur, að margra mati, að stórum hluta skilgreint samband Íslands við Evrópusambandið.

Meginlandið er nýtt hlaðvarp Evrópuhreyfingarinnar. Þáttur fjallar um fullveldi Íslands. Gestur hans er Davíð Þór Björgvinsson lögfræðingur og dómari.